Manušikano jekhetaňiben IN MINORITA, Slovakijakero muzeum vaš nacijalno oprehazdňipen Bansko Bistricate le šegitišagoha le Etnologijakero ustavoha SAV thode opre paš ačhiben Pametno ďives vaš romano holokaust andro ďives 2. augustos 2013 andro Pietno kher Muzeum SNP Bansko Bistricate leperibnaskero ačhiben the pietno aktos.

Pietno aktos pes skerkerel dojekh vacht dži beršestar 2005 sar leperiben vaš ačhiben andal berš 1944. Telethoďipen vaš čirlatuno „romano taboris Osvienčimoste – Brezinke" sas cindo avri buter sar but šel europakere romane dživipena. Pro maribnaskero agor sas ande andro taboris buťakere areštanta, raťate andal 2. pro 3. augustoha 1944 sas ačhle 2 897 romane murša, džuvľija the čhave muradarde andro gazakare khera.

Pozvánka 2005
Pozvánka 2006 - 1
Pozvánka 2006 - 2
Pozvánka 2007
Pozvánka 2008

Ma bisteren! 

Le projektostar Ma bisteren! užaras, kaj peske leperaha pro oda sar o Roma tirinenas andro dujto lumakro mariben. E projektos realizinel o Slovakijakro nacijonalno muzem Bratrislavate the o themutno jekhetaňiben IN MINORITA.

Le projektoskri realizacija džal andro duj jekhvarika liňiji. Jekhto liňija hiňi informativno-edukačno u bi o sikhaviben pal o Romano Holocaustos andre Slovakija andro berša 1939 – 1945 the edukačno interaktivno programos prekal o sikhľuvne čhave. Andre dujto projektoskri liňija ena andre thode leperde tabuľi andro ola lokaliti, save pes phanden ki o le Romengre perzekuciji andro 1939 – 1945 berša.